باللهجة الفلسطينية لقصة سندريلا

بتمنى ماحد يزعل

الروايه باللهجة الفلسطينية لقصة سندريلا

لبست الفسطان وراحت جري عالكصر وشافها الأمير وحبها وركصو سوا وفجأة دكت الساعة طناش وجراي صارت ترمح و ترمح ووكعت ببوجها عالدرج ...

سندريلا راحت عالبيت واتمنت لو انو الساعة ما دكتش على الطناش، بس شو تسوي بحظها المشحر مثل حظ هاظا الشعب.

الأمير حط فردة البابوج على مخدة يمكن لونها زركة أو خظرا، المهم صار ينادي بالصوت على كل البنات عشان يكيسن البابوج، كل البنات كاسن إلا سندريلا .....

سندريلا نزلت على الساحة ومعها فردة البابوج، وحطتها على المخدة الي عليها الفردة الثانية، ولما كربت عشان تكيسها ظربها الأمير تشف، وحكالها: وين جاي ياما،

حكتلو: يقطع وجهك ما أزنخك، مش شايفني بدي أكيس البابوووج

حكالها: وحدة مثلك كيف بدها تكون فلكة الكمر هديك.

حكتلو: هسا بفرجيك وأحط على عينك.

ولما اجت تكيسها، ما طلعت كد اجرها، لأنها كانت ورمانه من كثر الشغل، ويا حرام ما حدا صدكها، وانجنت المشحرة ودارت في الشوارع، والأمير اتزوج غيرها وحكى: لوينتا بدي أظل ادور عليها الله لا يردها هي الخسرانة.

وفي قول اخر ان البنت انكتلت يا حرام في غارة اسرائيلية

هع هع هع و الله شي من اخر هههههههههههههههههههههههههههههاااااااااااااااااااي
_________________
الفتح نور لمن اهتدى

ونار على من اعتدى

مشكور اخي جواد البرغوثي

على موضوعك الرائع والقصة الممتعة وشكرا

تحياتي

والله الف شكر الك يا اخي جواد

عالقصة الحلوة

احلى لهجة
تسلم اخ جواد على الموضوع الجميل
وما في بعد لهجتنا

هههههههههههههههه

مشكورين على المرور الرائع

دمت بخير
_________________
الفتح نور لمن اهتدى

ونار على من اعتدى